Kryetari i Sindikatës së Pavarur të Sektorit Privat të Kosovës (SPSPK), Jusuf Azemi, ka thënë se liberalizimi i vizave do ndikojë edhe në sektorin privat.

Sipas tij, pronarët e kompanive të ndryshme, gjashtëmujorin e parë të këtij viti e kanë një lloj testi si mundësi e fundit për ofrimin e kushteve më të mira të punës para se të ketë mungesë të fuqisë punëtore.

Pas qershorit, Azemi i druhet një migrimi masiv të qytetarëve.

“Vetëm ata të cilët nuk e kanë pa gjendjen reale, e dinë që edhe këtë vit ka mungesë punëtorësh, unë pres që pjesën e dytë të këtij viti të kemi një shpejtim, një fluks më I madh i njerëzve që të ikin nga Kosova me kusht që të gjejnë një punë me kushte më të mira. Pronarët e kompanive e kanë si një lloj testi gjashtëmujorin e parë të këtij viti dhe së paku të ofrojnë kushte që i përmbush ligji i punës dhe marrëveshjen kolektive, por nëse vazhdojmë me këtë gjendje si është te punëtorët dhe sektori privat, është ngulit diçka që duhet me ik patjetër”, deklaroi Azemi.

Tutje, ai tha se gjendja e sektorit privat të Kosovës duhet rifreskuar e të jetë në një gjendje më të mirë, pasi mungesa e punëtorëve e ka bërë të veten, duke shtuar se pjesa më e mirë puntore është humbur.

“Fatkeqsisht duhet të themi se pjesën më të mirë punëtore e kemi humbur, çka do që do të ndodh do jetë për shkak të mungesës së fuqisë punëtore e jo se ata ia kanë bërë hyzmeti që ta kemi këtë gjendje më të mirë”, tha ai.

Sipas tij, në Kosovë paga minimale duhet të jetë 500 euro.

“Ne bëjmë shumë takime me punëtorët e sektorit privat që të jenë stabil në Kosovë në vendin e punës, të kryejë shërbim si duhet, Mendoj që paga minimale të jetë 500, me pagesën e udhëtimit e heqjen e ushqimit dhe me këtë opsion mendoj se ndoshta do parandalohet kjo ikje masive, në të kundërtën edhe 600 e 700 e si mbulon këto dyja kjo është e kotë, ju e dini që deri më tani nuk është respektuar ligji e as marrëveshja mes pronarit e punëtorit, e kjo ka bërë që të jemi në një gjendje të tillë”, u shpreh ai.

Azemi përmendi gjithashtu një shifër për të cilën uroi të mos jetë e vërtetë, duke thënë se deri në 150 mijë punëtorë do jenë më pak se vitet e kaluara.

“E dimë që ka mungesa kudo nëpër botë, mirëpo në Kosovë nga një numër i vogël popullsie të ikë një numër aq i madh është shumë e rëndë, me çka fatkeqësisht shpresoj që kjo e dhënë e imja të mos jetë e vërtetë por unë frikësohem që këtë vit diku 100-140 mijë punëtorë do t’i kemi më pak se vitet e kaluara”
Nuk ka sektor të paprekshëm, ne shpeshherë ndodh në gastronomi që punëtori i kualifikuar po ik e po përmbushet me një tjetër po nuk është zgjidhje pasi së pari nuk është i kualfikuar dhe pjesa e ndërtimtarisë do jetë më i prekuri pasi sikur një punëtor mungon atëherë 5 deri n 10 punëtorë dalin nga sistemi”, u shpreh tutje Azemi për EO.

Ndërkaq, në raport me qeverisjen qendrore, i pari i sindikatës tha se shuma e ofruar indirekt nga ta është qesharake, kur as shpenzimet vetjake nuk mund të mbulohen.

“Nuk kisha pasë dëshirë ta them, sepse do doja të kisha vullnet,që të kishim dialog e kontakte, por me këtë qeverisje, këtë kryeminister e ministrin e Financave, të cilëti i kemi partnerë pasi paga minimale është indirekt e deleguar nga Qeveria e Kosovës, ne në fakt me këtë punë që e kanë bërë jo që nuk jemi të kënaqur, themi se ka munguar dialogu social për të cilin ne është dashtë me i qitë në tavolinë problemet tona dhe ata është dashtë me ofru atë çka mund të bëjnë, por realisht nuk e kanë bë. Dhe për caktimn e pagës minimale ne kemi thënë se 264 euro është diçka qesharake, është një vendim që as në aspekt elementar nuk i përmbush kriteret, merreni me mend t’i thuash dikujt sot se puno me pagë 250 euro, kur dihet se sot me atë shumë vetëm shpenzimet e një personi nuk mund të mbulohen”, deklaroi Azemi.